സ്നേഹം വാചാലമാണ്
പക്ഷെ നിശ്ശബ്ദമാണ്
ഒരു നോട്ടത്തിലുണ്ടത്,
ചിലപ്പോളൊരു വാക്കിലും,
ഒരു നിശ്വാസത്തിലും,
അങ്ങു ദൂരേയ്ക്കുള്ളൊരു നോക്കിലും.
സ്നേഹം ചിലപ്പോള് ശ്രദ്ധയാണ്
ചിലപ്പോളതശ്രദ്ധയും,
സ്നേഹം ചിലപ്പോള് സ്നേഹമാണ്
മറ്റു ചിലപ്പോളതു വെറുപ്പും
വെറുപ്പു മുറ്റി സ്നേഹമുണ്ടാകുന്നു,
സ്നേഹം മൂത്ത് വെറുപ്പും.
സ്നേഹമൊരു വിങ്ങലാണ്
ചിലപ്പോളതാശ്വാസവും.
ചിലപ്പോളൊരു കൈത്താങ്ങും
ചിലപ്പോളതൊരു ഭാരവും
സ്നേഹം ജീവിയ്ക്കാനൊരു ചോദനയാണ്
ചിലപ്പോള് മരിയ്ക്കാനൊരു കാരണവും
ചിലപ്പോളതു ചപലമാണ്
ചിലപ്പോള് ശക്തിയും
ഉയര്ച്ചതാഴ്ചകളാണ് ജീവിതം
നിശ്ചലമായാലത് മ്രിതമാവും
സ്നേഹമമ്രിതമാണ്
അമരവുമനശ്വരമാണ്.
കാത്തിരിപ്പാണ് സ്നേഹം
സ്നേഹത്തില് ‘ഞാന്’ ഇല്ല,
ഉള്ളതെല്ലാം ‘നീ‘ മാത്രം.
നിബന്ധനയില്ല, നിര്ബന്ധമില്ല,
ദിക്കു കെട്ടൊരു പ്രവാഹമാണത്.
സ്നേഹത്തില് നീ വിധാതാവും
ഞാന് വിധേയനുമാണ്
ഞാനൊരൊഴുക്കും
നീയെന്റെ തീരങ്ങളുമാണ്.
മൌനത്തില് സ്നേഹം വിതയ്ക്കും
കാത്തിരിപ്പിലതു മുളയ്ക്കും
സമര്പ്പണത്തിലതു തഴയ്ക്കും
സര്വ്വസ്വീകാരത്തിലതു പൂക്കും.
അനന്തതയായതു പരക്കും.
26/09/2013